Edi Rama i shpreh ngushëllime Joe Bidenit për vrasjen e tre ushtarëve amerikan në Jordani

14:53 | 1 Shkurt 2024
E.H

Kryeministri i Shqipërisë, Edi Rama i ka dërguar një letër ngushëllimi presidentit të SHBA-së, Joe Biden, për vrasjen e tre anëtarëve të shërbimit amerikan dhe plagosjen e dhjetëra të tjerëve gjatë një sulmi me dron në Jordani.

Rama përmes telegramit u shpreh se reshteri William Rivers, specialistin Kennedy Sanders dhe specialistja Breonna Moffett, ishin tre shpirtra të guximshëm që bënë sakrificën përfundimtare duke mbrojtur lirinë, demokracinë dhe të drejtat e njeriut, përcjell Arbresh.info

“Në këto momente të vështira, duhet të jemi të gjithë të bashkuar. Si aleate, Shqipëria qëndron përkrah SHBA-së me solidaritet dhe vendosmëri”, ka shkruar Rama.

Telegrami i plotë:

I nderuari President Biden,

I dashur Joe

Tiranë, më 01 shkurt 2024

Në emër të popullit shqiptar pranoni ngushëllimet tona për reshterin William Rivers, specialistin Kennedy Sanders dhe specialisten Breonna Moffett, tre shpirtra të guximshëm që bënë sakrificën përfundimtare duke mbrojtur lirinë, demokracinë dhe të drejtat e njeriut.

Në këto momente të vështira, duhet të jemi të gjithë të bashkuar. Si aleate, Shqipëria qëndron përkrah SHBA-së me solidaritet dhe vendosmëri.

Shkëlqesia e tij Joseph R. Biden Jr.

President i Shteteve të Bashkuara të Amerikës

Shtëpia e Bardhë

Washington DC.

Sinqerisht

Edi Rama

Shpërndaje në rrjete sociale

Lajmet më të lexuara

Të ngjashme

Foto lajm